الحسين ( عليه السلام )

الحسين ( عليه السلام )




ياثورة
الإيمان يا ابن أقدسّ نسِل


يا ابن داحي
الباب يا حامي الحِمه


شوصّفك يابو
السّجاد يا أكرَم شهيد


يا مَنهج عَدل
يتلاله وي نجم السِّمه


يا المِنّك
تِعلمّنه شنو مَعنى الخُلود


ملحَمه من
حروف اسّمك مَغموسّه بدِمَه


منو راسّه
اعله الرُمح دار


واعياله
انسّبت وكُفار ما ترحمه ؟


ياطعم عاشور
ياحزن ما ينتهي


ياوحشه وظلام
وليل ....


وجثُث طاهره
عل الثرى تسّحك


عليها
الشرذَمه


ياطُفوف وعَطش
عبد الله الرَضيع


ياسَهم موت من
حَرمل رمّه


ياصَبر زينب
يل ما يشبه صَبر


ياوفّه
العَباس واچفوف اتگطعت من مِعصَمه


.........


ما رضِيت بذل
ولا رضِيت بهوان


وسّطرت بالدم
الطاهر أخرْ أقدارك


ثابت وتتسابگ
عليك سيوف


واحشود ال
اميه حارت باصّرارك


اشلون ما
نحِزن على ابن بنت الرسول


والرسول
الاكرام يقبّل بأنّحارك


شلون ما نحِزن
وانتَ مَذبوح بسيوف


وبكربلا الطفّ
فاضَت إدّموم أنهارك


أحِسّ ألقلب
عطشان وضلوعي مَهشومه


وأهّل ألدمع
بُركان من أكتب أشعارك


أظل للموت
أصيح حسين


وأشوف بحضرتك
أنوار متوهجه بأنوارك


كل خُطار 3
ايام ويروح وانت الزمن كله


عل شباچ تحضن
بزوارك
م/ن